<![CDATA[<legend id="ow1je"></legend>]]>
<![CDATA[<menuitem id="ow1je"></menuitem>]]> | | | |
| | <![CDATA[<menuitem id="ow1je"></menuitem>]]>
<![CDATA[<del id="ow1je"></del>]]> | |
| | |
<![CDATA[<menuitem id="ow1je"></menuitem>]]> <p class="ql-block">舊事千般憑記憶，時光轉眼數(shù)十年</p> <p class="ql-block">先賢惜早逝，晚輩逐代傳</p><p class="ql-block">我老媽子，我個乖孫卓軒應該稱佢為太婆。佢名叫霍順，南海市人，享年九十有二。解放初娘家富裕，有七八間大屋，三四塊屋地，四五個漁塘，禾田若干畝，養(yǎng)十多頭肥豬，有母豬和小豬。合作化后魚塘土地歸集體，個陣水崩基最少沖倒了三間屋。出嫁到海口我龐家后，也曾經買屋地建新屋。</p><p class="ql-block">乖孫軒軒稱太公嘅叫龐恩，大號龐忠盛，佢生前在廣州工作?？上в⒛暝缡牛砟陜H四十余歲。此十分可惜且傷感且矣！</p> <p class="ql-block">執(zhí)教四十載，于今念前情</p><p class="ql-block">各位：我名字有所更改，我原名叫龐滿添，當年在工作時有幾個人與我同名叫亞滿嘅，由于我年紀比他們年經佢哋就更改咗我叫小滿個名，都叫咗幾十年我亦無所謂嘅咯。</p><p class="ql-block">我一九六O年小學畢業(yè)，當咗八年農民，六八年當老師，執(zhí)教四十一年去過四間學校。當年在紅師班學習咗九個月時，當咗九個月嘅團總支書記，到學校工作后當咗七八年校長，約二十年教導主任，約三十年教六年級。小學畢業(yè)水平教六年級！唉，咁個啲都系舊事`嘅咯，舊事千般憑記憶，光陰轉眼幾十年矣！</p><p class="ql-block">這張照片是越南下龍灣。幾座石便說美景靚過廣西桂林！ 真系可嘆可憐！</p> <p class="ql-block">老幼齊合映，歡樂過新年</p><p class="ql-block">呢張照片系我哋全家老幼嘅合照！周圍綠樹扶疏，中間造型壯麗，確實系唔錯嘅優(yōu)雅環(huán)境！洽好映像個陣正值新年時刻，咁就更增添咗歡樂嘅氣氛者矣！你哋話系唔系呢？</p> <p class="ql-block">全家出外游，大家?guī)组_心</p><p class="ql-block">照片系我個仔嘅，記得個陣時佢哋倆個大人都有啲空閑時間，就決定帶倆個細路出去游玩一下。咁樣既可以活躍佢哋身心，又可增長佢哋嘅見識，咁又何樂而不為？倆個細路當時仲手捧糖絲非常高興，唔錯，一家人都眉開眼笑十分歡樂！</p> <p class="ql-block">女兒嫁大江，外孫已工作</p><p class="ql-block">照片系我嘅女兒嘅，嫁夫大江姓馮，生子后由于夫妻工作比較繁忙，兒子就一直在?？谏顓嗄?。讀小學中學階段，基本上都系生活在?？谖覇O屋企?，F(xiàn)個外孫已大學畢業(yè)，參加工作，結婚生子也回鄉(xiāng)生活了！這是他們倆母子之倩影。</p> <p class="ql-block">女婿大江人，曾孫馮鈞宇</p><p class="ql-block">我女婿大江村人，青年時曾做過買賣，中年后就一直都在大江村政府中任各種職務。現(xiàn)一家生活很不錯，兒子結婚生孫，老幼歡樂！闔家幸福安康！閑時抱孫出門游玩其樂融融！</p> <p class="ql-block">女兒帶孫仔，出門郊外游</p><p class="ql-block">我個女兒，佢十分喜歡關心佢嘅孫仔，特別系佢嘅兒子媳婦都要參加工作，哪么平時撫養(yǎng)乖孫嘅，佢便確實系在所難辭矣。照片系佢抱著乖孫郊外活動！睇起嚟也真?zhèn)€兩嫲孫都十分開心！</p> <p class="ql-block">外孫兩夫妻，抱兒公園游</p><p class="ql-block">外孫佢哋夫婦工作認真，生活幸福安康，平時夫婦都要參加工作，撫養(yǎng)兒子嘅責任當然由嫲嫲負責。咁樣一嚟，節(jié)假日帶兒子游玩自然系開心兼努力了。照片個度寫住乜嘢：秀麗湖：咁個度系唔系中山公園？就不得而知者矣。</p> <p class="ql-block">老表齊聚會，飯店共留影</p><p class="ql-block">大家都知道啦，社會上一直流傳住一啲流言蜚語。講乜嘢話一代姑，二代表，三代嘴喵喵，四代見面都唔叫。為咗睇下個個問題嘅現(xiàn)實，前幾年我哋約咗一啲姑表同埋一啲親友回鄉(xiāng)團聚。開始時仲系比較熱鬧嘅，有十多廿人回鄉(xiāng)參加，個張照片系在一次聚會后，在飯店門口攝嘅。后屘就越來越冷清啦。我哋亦無可奈何，只好順其自然矣！</p> <p class="ql-block">初臨惠東縣，荔枝大豐年</p><p class="ql-block">一九九九年，我哋初次到惠東縣探訪堂兄，嚟到惠東縣出現(xiàn)嘅情況，不但我哋見都未見過嘅嘢，連諗都諗唔到，系乜嘢事情呢？呀，話俾你知啦，恰好個年系荔枝大年，荔枝果特大豐收年。咁就緊張啰個啲荔枝果掛滿樹枝頭，真?zhèn)€系亭亭玉立矣！</p> <p class="ql-block">荔枝共芒果，隨手摘成串</p><p class="ql-block">享個嗰荔枝園個度，唔單止系荔枝果掛滿樹上，連果林附近個啲芒果樹亦系碩果累累者已。個兩樣東西都可以在地上就可以伸手去摘，'無須上高落低爬上樹上去矣。你話幾開心幾高興呢！</p> <p class="ql-block">外孫隨同往，指點摘荔枝</p><p class="ql-block">個外孫佢系同埋佢媽咪，系同我哋一齊去惠東縣嘅，在荔枝園佢見我哋摘茘咁高興，咁熱鬧，個外孫。佢就享我哋身邊指指督督，又話邊度果實多，又話邊度果實靚，總而言之大家都興高彩烈，不斷歡笑且矣！</p> <p class="ql-block">步行當心走，荔枝碰上頭</p><p class="ql-block">講到個啲荔枝果確實唔系嚇你，佢掛遍枝頭向上攀登，向橫伸展，仲有唔少系向下低垂嘅，總之上下左右都鮮紅燦爛.就系咯。個外孫雖然個陣仲係個細路仔，人矮矮，之佢咁樣在荔枝樹度來回走動，都恐怕會荔枝果碰頭呢！信唔信由得你！</p> <p class="ql-block">外孫勤傳遞，雙手捧荔枝</p><p class="ql-block">外孫佢為人精乖靈活，經常為人哋摘果嘅順手擰嚟。你睇佢又試興高彩烈咁捧一大兜矣。今次惠東縣之行，不但可以見識到荔枝果嘅豐收大年，親手摘荔枝，親口食荔枝，我哋仲帶咗唔小荔枝果返屋企，真?zhèn)€系滿載而歸者矣！</p> <p class="ql-block">惠東第二次，留影記誠心</p><p class="ql-block">等我話俾你知呀，解放前由于人民生活困苦，人們都流離失所。伯父佢當年就流落咗一兒一女。個兒子龐耀佳流落至惠東當咗農民，個女兒則流落至英德黃花鎮(zhèn)。解放后佢哋兩人分別于前后尋回家鄉(xiāng)，我哋亦先后分別到惠東或黃花鎮(zhèn)探訪佢哋。照片系我在第二次帶了部分親友，到惠東探訪耀佳哥時攝嘅，咁亦起碼體現(xiàn)一段親情吧！</p> <p class="ql-block">惠東再次到，留影荔枝園</p><p class="ql-block">個次惠東縣之行，已經相隔好幾年矣。今次主要系約埋一啲親友，去探訪耀佳哥，見識一下荔枝林。所以在個次旅行時間，隨行個啲人，都在荔枝園嘅內內處外攝影留念。咁又印證咗一次惠東之行矣！</p> <p class="ql-block">堂姐返故里，親友共相迎</p><p class="ql-block">在解放后，堂姐龐曉先后回鄉(xiāng)尋根，今次系佢帶咗兩個仔回鄉(xiāng)，我就立即通知住在鹽步嘅，佢嘅細佬龐耀華夫妻也趕回海口，大家見面傾談。照片系在我哋屋企攝嘅，大家歡聚一堂都十分感慨當然也十分高興！</p> <p class="ql-block">親友共一桌，互相仔細談</p><p class="ql-block">堂姐返鄉(xiāng)，眾親友歡迎。當然即使系簡簡單單，大家都到飯店食一餐?；ハ嘟涣?，認真傾計，乜嘢前情舊事，乜嘢心頭細數(shù)，都盡情傾訴，充分體現(xiàn)兄弟姐妹之間嘅情深義厚！</p> <p class="ql-block">曾孫好精乖，合照同歡樂</p><p class="ql-block">等我話俾你知啦，我個曾孫叫馮鈞宇，大江村人。家陣年紀仲系年幼，佢個爺爺嫲嫲，同埋爸爸媽咪，經常帶佢嚟我哋屋企玩。個鈞宇佢雖然仲系年紀較細，但十分聰明伶俐，精乖活躍。我哋屋企個個都喜歡佢！家陣祝福佢快高長大，聰明精乖！</p> <p class="ql-block">左灘留倩影，后邊木棉紅</p><p class="ql-block">暮春時節(jié)游左灘，半天行動半天難。電站旁邊稍歇息，木棉花開向上攀。葉嫩花紅半天映，樹木枝頭勇支撐。何時花盛無須問，百花盛放助紅顏。</p> <p class="ql-block">乖孫尚年幼，嫲嫲好開心</p><p class="ql-block">個個細路系我個乖孫，個陣佢仲年幼，我老婆抱住佢，兩嫲孫享個度吹微風，睇下個啲嘢，安安穩(wěn)穩(wěn)，歡歡樂樂都幾開心更幾高興。家陣個乖孫己讀高中，成個精壯嘅男子漢矣！</p> <p class="ql-block">乖孫齊歡笑，爺爺仲開心</p><p class="ql-block">各位在照片上睇到啦，個孫仔佢舉高部手機開心咁笑，佢家姐抱住佢亦開心大笑。你話我睇住咁樣會唔開心？于是爺孫三人笑埋一堆。真系歡歡樂樂開心笑，高高興興又一年矣！</p> <p class="ql-block">孫仔家姐抱，嫲嫲笑揚眉</p><p class="ql-block">乖孫佢同佢家姐鈺瑩，系經常玩在一起嘅。咁主要系有陣時屋企啲大人冇時間，照顧好佢哋，而做家姐嘅個陣時佢唔辭勞苦，帶好個細佬，咁就兩姐弟常在一起玩了。你睇下，個嫲嫲在側邊睇到都幾開心呀！</p> <p class="ql-block">周圍環(huán)境好，爺孫共歡欣</p><p class="ql-block">個陣時，我哋一家人到深圳玩，深圳城郊原來環(huán)境系非常好嘅。你睇河水平流冇風浪，碧水藍天少行船，草綠花紅又一景，風景優(yōu)雅確迷人?。?lt;/p> <p class="ql-block">老人慶七十，齊唱生日哥</p><p class="ql-block">各位大老爺你哋好！我今年已80歲矣，仲有幾多年就由天公抓鎖匙了。記得我七十歲生日時，各親友請我到石灣華榕宮酒店開飯，設席十多圍。照片系個陣時正在切蛋糕，班嫩仔在唱生日歌。最高個細路系我嘅外孫。仲記得起？</p> <p class="ql-block">西樵山水秀，夫妻情義長</p><p class="ql-block">各位肯定都知情啦！西樵山系我哋附近嘅名山，南粵名山數(shù)二樵，咁就系西樵山同羅浮山。自古名山必有泉，西樵山嘅九龍飛瀑理所當然系唔使講嘅。你哋睇：遠山綠樹連成遍，近渠啲清水自潺流。咁又試系名山一景矣！到西樵山玩梗系賞景，游覽啦！</p> <p class="ql-block">惠東行牢記，拍照荔枝園</p><p class="ql-block">記得我哋第一次到惠東探訪堂兄龐耀佳時，正逢荔枝大年，當時摘荔枝不必上樹摘，在地上伸手就可摘成串，既有荔枝，旁邊也有很多芒果樹，也系在地面就可以搞成串芒果了。照片系第二次到惠東荔枝園攝嘅，正系一照留存在，記得荔枝園矣！</p> <p class="ql-block">遠望山青綠，近看水潺流</p><p class="ql-block">西樵山：我哋已經系登臨多次了，舊陣時系上西樵睇風景。乜嘢蘑菇石同無葉井，乜嘢煎焦鯽魚及冇篤螺等等，個啲嘢也使游人迷而忘返。近啲年，則系上西樵山祭祀祖宗龐十九公，每年清明時節(jié)起碼走一次。這可是鐵定嘅啦！</p> <p class="ql-block">家鄉(xiāng)騎牛慣，北京怯揮鞭</p><p class="ql-block">個次系在北京公園草地上騎馬，想當年自己年輕時在家鄉(xiāng)騎牛已成習慣，可是那時在北京騎在馬背上，卻又有啲心驚害怕起嚟啦，更不要說進行乜嘢揚鞭策馬蹄咯。</p> <p class="ql-block">遠方垂柳綠，屹立木棉紅</p><p class="ql-block">個次系在順德左灘個度。春游大半天，稍歇再向前。遙望垂柳綠，燦爛是紅棉。左灘風景好，不妨睇下先。旁邊發(fā)電站，樓房緊相連，咁樣又一景，左灘景連篇！</p> <p class="ql-block">開平碉堡樓，聳立幾春秋</p><p class="ql-block">個度應該系開平嘅梅家大院嘅地方，在個度聳立嘅碉堡樓，都唔知渡過幾多年月矣！回想當年歲月崢嶸，人不聊生。一啲地方筑起咗碉堡樓，咁樣無非系自保而已。當年歲月經過去，唯留此物告后人罷咯！</p> <p class="ql-block">前邊花艷麗，身側稻金黃</p><p class="ql-block">個度系乜嘢地方已經唔記得咯，好似眼前系一遍花海，我哋系去賞花嘅，之身側身后都系梯田，已到夏收季節(jié)且矣。咁就系前邊花艷麗，身側稻金黃且矣！</p> <p class="ql-block">群師同行動，賞析天門山</p><p class="ql-block">個度系湖南張家界天門山，個陣時暑假大江小學啲老師到個度游覽天門山鳳凰城。天門山個度綠樹成蔭，山間草綠花紅幾咁艷麗，十分引人注目感想。確實系好地方，好開心！</p> <p class="ql-block">順娟錢銀開，共舞德天溝</p><p class="ql-block">個度系德天瀑布，系十分有名新開發(fā)冇幾耐嘅風景區(qū)。個度位置在中越邊境，瀑布水流分兩股，細股嘅流入越南，大股嘅流入我哋中國廣西。個度水流湍急，我哋參觀嘅個陣時，個天仲落緊毛毛細雨。譚順娟同埋錢銀開兩老師在瀑布邊度跳起舞上嚟。我同埋黃立志校長在側邊睇，咁樣都幾過癮！</p> <p class="ql-block">老師吳淑娟，同游農科院</p><p class="ql-block">各位：你們好！記得這次系全體老師獲龐潤沃先生嘅邀請，早晨早參觀咗潤沃佢嘅聯(lián)澤果林園。并且在果林園個度食咗中午飯。下午參觀南海農科院，喺院門口個度應吳老師之約，同埋佢影咗張照片。</p> <p class="ql-block">校長招廣英，家訪表深情</p><p class="ql-block">個位系村尾小學校長招廣英先生，佢在村尾小學任職多年。我亦同佢拍擋好幾年矣，后屘招校長被麥偉推下臺，被調到古灶中心小學當教師。我同佢先后退休后，個次佢親自嚟到我屋企探訪，充分體現(xiàn)互相之間嘅情義。多謝招校長！</p> <p class="ql-block">遠近天接水，暢游千島湖</p><p class="ql-block">個次系大江小學全體老師，暢游華東五市，搭船到杭州，路經千島湖。在個嗰時候，遠望近睇千島湖，幾乎都系天接水。在船上過咗一陣時間，同吳老師映咗個相，咁亦不過系游覽千島湖之留念罷了！</p> <p class="ql-block">美景千年在，順德清暉園</p><p class="ql-block">各位：你哋好！順德清暉園你哋去過未呢？呀：個度啲景色真?zhèn)€系人見人愛，你睇下我身后園個度，綠樹成蔭，葉碧花紅，亭臺樓閣，水池假山，個度仲種咗百年銀否樹，享個度賞景真?zhèn)€系流連忘返。未去過就去睇下啦，真系咖！</p> <p class="ql-block">學生獎老師，千古嘅奇聞</p><p class="ql-block">各位先生女仕你哋好！我嚟講件事你哋聽過未？咁真系：世間千般物，樣樣都可能者矣！乜嘢事呢？咁就系學生獎勵老師，而且個學生班長馮月霞仲發(fā)送咗獎狀俾我。獎狀上寫上乜嘢，：送給最和藹可親老師：我收到佢哋嘅獎狀都覺得有啲愧疚，佢哋成班學生系九二年畢業(yè)嘅，多年后同學聚會請我參加。后屘向我獻上紅花，發(fā)張獎狀。咁真系無話可說矣！</p> <p class="ql-block">樹木成遍綠，山水自潺流</p><p class="ql-block">各位：你哋睇下，楊燕蝶身后嘅山頭挺立，山上樹木蔥濃成遍陰森陰涼，山腰間流水涌動，大股小股源源不斷向下直流。我哋應該知道：名山必有清泉涌，峻嶺難離草木榮。咁樣就系山嶺嘅秘訣矣！明白未？</p> <p class="ql-block">參觀聯(lián)潤園，睇下農科院</p><p class="ql-block">個日朝頭早，龐潤沃先生：邀請海口小學嘅全體老師參觀佢在三水舉辦嘅聯(lián)潤果林園，下午大家就去參觀南海嘅農科院。享農科院內外，各位老師都分別映像留念，照片上嘅系龐燕玉，譚潤蝶兩位老師同埋我留影而已！</p> <p class="ql-block">外孫仲年幼，拉住公公走！</p><p class="ql-block">個陣時大健仲系細路仔，享我哋屋企生活咗十多年。個嗰時候我哋如果有空閑時間，就帶佢去郊外活動，呼吸下個啲新鮮空氣，曬下熱頭活躍一下身心。個日我哋兩夫婦帶佢去玩，大健佢十分高興，在前面拉住我向前走，佢婆婆在我哋后邊跟住尾，咁就又一次活動矣！</p> <p class="ql-block">留影山水綠，后邊大金龍。</p><p class="ql-block">都話咯：個外孫細路仔時，佢父母嘅工作十分繁忙，咁樣大健就一直享我哋屋企生活咗都有十多年。個次帶佢去邊度已經唔記得了，只系個度綠樹成蔭，后邊擺咗條大金龍。個嗰時候都應該系春節(jié)前后啩，所以既熱鬧就更開心咯！</p> <p class="ql-block">驢車慢慢走，北京圓明園</p><p class="ql-block">記得個陣，我在村尾小學工作，個年署假老師出游卻分批分路進行。我同杜杏輝江潤照為一批，我?guī)瑑鹤訋兹送奖本?。個日江潤照同埋我兒子在圓明園舊址個度騎驢車慢慢行。咁樣就又系一次風景，一次活動矣！</p> <p class="ql-block">進入幼兒園，同玩幾開心</p><p class="ql-block">各位兄弟姐妹你哋好！我個乖孫佢進入嘅幼兒園，叫做童星幼兒園。佢在個間幼兒園度過咗幾年，咁樣睇嚟確實系唔錯咖。個張照片系佢享幼兒園個陣，同埋個啲小朋友映嘅。睇嚟大家都幾安樂幾開心！照片中間個嗰就系我個乖孫！</p> <p class="ql-block">人稱系肥仔，我都唔理佢</p><p class="ql-block">我個乖孫佢哋在幼兒園個度生活，活動有規(guī)律，飲食有保障，食得好玩得好，老師比較關心佢哋，咁就會生長得快啦。有啲小朋友叫佢乜嘢肥仔，咁又使乜理佢哋呀？只要自己平平安安，快快樂樂又何樂而不為呢？</p> <p class="ql-block">學習有進步，學校發(fā)獎狀</p><p class="ql-block">在幼兒園過咗幾年，個孫仔佢入學校讀書啦。佢讀書嘅學校叫海口小學，咁無非系自己鄉(xiāng)下嘅一間小學。自己嘅爺爺嫲嫲爸爸家姐都享個間學校讀過書嘅，我在個度讀書辛勤努力，成績很好。咁好快就有張獎狀啦！幾開心呀！</p> <p class="ql-block">節(jié)目表演賽，排隊輪先后</p><p class="ql-block">佢哋在?？谛W仲參加過文藝節(jié)目，因為表演人多，要排隊等候，咁又有乜所謂呀，只要等一陣就系嘅啦。相信好快就會輪到我哋嘅啦！</p> <p class="ql-block">循規(guī)蹈矩舞，表演夠精彩</p><p class="ql-block">果然冇幾耐就輪到我佢哋登臺表演了。佢哋表演啲同學，個個都循規(guī)蹈矩緊跟節(jié)奏，搏得到一陣陣熱烈嘅掌聲，咁樣更激動咗佢哋，表演更認真更努力啦！最后我哋終于獲得咗勝利！你哋話幾開心呀！</p> <p class="ql-block">節(jié)目得勝利，學校獎紅旗</p><p class="ql-block">佢哋嘅舞臺表演賽最終獲得咗成功，學校獎勵佢哋個啲紅旗。佢哋揸住紅旗幾位同學坐埋一邊享度進行議論。大家?guī)赘吲d呀，興高彩烈爭相發(fā)言。咁樣又系在學校嘅一次勝利，一次收獲呀啩？</p> <p class="ql-block">參加輕勞動，種植有收獲</p><p class="ql-block">孫仔佢有時候都參加一啲簡簡單單嘅勞動，好似種幾棵蔬菜，種幾棵番茄等等。嗱：咁又有收獲嘅啦！雖然只系幾粒番茄仔，但咁又說明咗乜嘢呢？相信你唔系唔知道啦！</p> <p class="ql-block">祖廟許愿樹，拋高愿望留</p><p class="ql-block">在許愿樹個度許愿，昵個系我哋附近一帶嘅風俗習慣。主要當然系想求得天公神靈各方面嘅保祐，福壽康寧萬事大吉而已。今次乖孫佢也循禮在祖廟個棵許愿樹個度拋條許愿。咁系十分正確合情合理嘅！</p> <p class="ql-block">愿望高高掛，今生永安康</p><p class="ql-block">愿望拋上樹上去后，深刻地掛靠在樹上，乖孫同埋同行啲人梗系高興啦，寄望今生今世萬事順意，平平安安，快快樂樂咁生活。咁系深刻嘅愿望??！</p> <p class="ql-block">生活幾安樂，時刻開心笑</p><p class="ql-block">各位：你哋好！我在幼兒園畢業(yè)之后，到海口小學讀書。個間學校在我哋村個度，離我哋屋企也唔遠，走路番學唔使十分鐘，慢慢行都唔遲。我哋屋企啲人都十分關心我，關照我所以我覺得生活十分安樂，咁樣我也就經常開心笑啦！</p> <p class="ql-block">細心做作業(yè)，爭取好成績</p><p class="ql-block">各位：相信大家都懂得，大家都知道讀書系要努力，系要用功嘅。所謂書讀百遍其義自見咁樣唔努力又點樣得到好成績？所以我每次讀書，每次做作業(yè)都系認真咁樣嘅，我明白亦只有咁樣先能夠得到各科好成績！亦只有咁樣先正系好學生！</p> <p class="ql-block">成績奪優(yōu)秀，獎狀一大張</p><p class="ql-block">嗱！各位你哋睇下啦，又試系獎狀一大張啦！你估個啲獎狀老師系求求其其咁發(fā)張俾你嘅咩？老師佢哋要睇你嘅表現(xiàn)，睇你嘅成績，當然亦要同埋睇你嘅行動等等，各方面嚟評論咖！</p> <p class="ql-block">老師同家長，多謝勤指教</p><p class="ql-block">話俾你哋知啦，我確實領咗好多獎狀，同埋好多榮譽證書。個啲獎狀證書能夠嚟到我手上，我確實應該多謝老師同埋家長佢哋嘅督促同指教。享尼度我要向佢哋敬個禮。謝謝！謝謝你哋！我會更加努力嘅！</p> <p class="ql-block">參加做好事，榮譽有證書</p><p class="ql-block">今次我又領到一份榮譽證書啦！到底做咗乜嘢好事？我都唔記得咯。不過冇所謂啦，做乜好事無須記`，大張證書可為憑者矣。各位你哋話啱唔啱？</p> <p class="ql-block">獎狀一大把，年年都發(fā)市</p><p class="ql-block">各位：你哋好！你哋可以睇下，個度墻上貼滿曬個啲獎狀。個啲獎狀一可以說明系多，讀書咁耐年年都發(fā)市收獎狀，二系個啲獎狀五花八門，佢個度乜嘢內容都有，成績獎，榮譽獎，表演獎，講都講唔曬。不如你自己嚟睇下啦！</p> <p class="ql-block">抽空游郊外，景點幾豐盈</p><p class="ql-block">我家陣讀緊中學啦，有陣時都會抽時間到郊外游一下嘅。咁樣可以開闊一下眼界，增長見識。又可以呼吸新鮮空氣，活躍身心，同時促進對一啲事物嘅認識算系有百利而冇一害啩？你話呢？</p> <p class="ql-block">歲月長增長，光陰不等人</p><p class="ql-block">各位：你哋好！睇我嘅照片失禮曬矣！我家陣讀緊中學，卻已身高體長，在我哋屋企，包括姑媽佢哋，我系身體最高嘅。我中意打籃球，有啲空閑我又試去打球，時時都系咁樣。你哋話咁樣好唔好呢？</p> <p class="ql-block">大富村學生，光臨我屋企</p><p class="ql-block">一九八八年，我在大富小學教六年級，部分學生嚟到我屋企，登上咗個嗰狹窄嘅小陽臺，師生共同登高眺望，攝影留念，佢哋班學生中大部分系班干部，后屘仲有讀咗師范做咗老師嘅。咁確實系值得記念且矣！</p> <p class="ql-block">水廠美景點，學生細參觀</p><p class="ql-block">今次帶大富學生去活動，系去參觀佛山市自來水廠。水廠在東平河邊靠近我哋海口村，前些時候我在海口小學執(zhí)教當校長，也曾帶?？趯W生到水廠參觀，由于我昰海口人，而且在學校當校長所以我同當時水廠管理人嘅關系唔錯。今次帶大富學生去參觀也就順理成章者矣?。?lt;/p> <p class="ql-block">池水澄清綠，平靜映藍天</p><p class="ql-block">水廠個度個水池個啲水碧綠澄清，與天上嘅白云藍天互相暉映，咁樣就更顯得佢獨特一格者矣，而個啲同學見咗，好多人都趕緊過嚟攝影留念。</p> <p class="ql-block">樹綠高樓舍，水廠面貌新</p><p class="ql-block">水廠個度嘅環(huán)境，雖然唔似其他景區(qū)咁樣，各種景點五花八門，之佢干凈企理冇手尾，畢竟佢系供應佛山市民嘅用水嘅，咁干凈清潔就確實系重中之重了。</p> <p class="ql-block">水廠難常到，映照也留念</p><p class="ql-block">各位大家好！大家都知道水廠系乜嘢，地方，在個度，并非系邊個人都可以何時何刻，隨心隨意就能夠進內參觀游覽的。如今在里邊可以睇到佢嘅景點確有佢自己嘅特色，而既已入內點解唔趁機攝影留念？于是大家便都紛紛拍張照片留存落嚟者己！</p> <p class="ql-block">水管頻吐水，樹茂鮮花紅</p><p class="ql-block">水廠嘅景點雖然唔似乜嘢公園，乜嘢會所等五花八門，但他亦有佢自己嘅特色，你睇個邊綠樹成蔭，那邊卻又草綠鋪遍地。主要系干凈清爽，個嗰要求系大家都知道嘅啦！水廠特色難盡數(shù)，唯求各位盡知情就系咯！</p> <p class="ql-block">桂林甲天下，漓江搭船游</p><p class="ql-block">大家都清楚咁知道，桂林山水甲天下，漓江河水半桂林。個陣時，大富小學老師游桂林，大家搭上漓江河上嘅船，直落陽，在船上，大家都只見漓江水面碧綠澄清，兩岸奇山峻嶺，都好開心，好高興！</p> <p class="ql-block">搭船漓江水，大富村老師</p><p class="ql-block">各位你哋好！等我話俾你哋知啦，個次大富小學啲老師游桂林，翻過山越過嶺搭過船，老師們有陣時集體行動，有陣時又分散參觀。都唔知幾開心幾過癮，總之系難忘呢次游桂林就系咯！</p> <p class="ql-block">云南石林邊，老師影留念</p><p class="ql-block">個年署假，村尾學校個啲老師到云南旅游，云南地方咁大，景點咁多又點樣游點樣行呢？只好約略諗一諗游云南石林前后矣。游覽石林前，大家在外邊映相留念，個張照片就系在石林邊個度攝映嘅。冇講大話咁系真真正正嘅！</p> <p class="ql-block">村尾眾老師，云南大觀園</p><p class="ql-block">之又系啦，在云南個陣時我哋成班老師仲參觀咗大觀園。在入園參觀之前又系在門口映咗張照片，個次又系真嘅，照片上仲有大觀園個幾個字呢。咁可以作為實物證據(jù)亞啩？</p> <p class="ql-block">海泳迎巨浪，上川島海邊</p><p class="ql-block">個次村尾學校啲老師到臺山游覽，行至上川島附近時，有人提議游海水泳，咁樣當然有人響應，于是幾位老師相繼落海邊游水。個陣時一個大浪迎面而嚟，都米話唔失驚勞神者而！不過又覺得好過癮好開心！真?zhèn)€系：初游海水泳，幾多事新奇！</p> <p class="ql-block">上岸細傾計，老師陳繼棉</p><p class="ql-block">個次游海水泳，我同埋陳繼棉老師都有份，亦都系初次嘗試。兩人上岸后在沙灘個度竊竊私語，傾吐自己嘅感受。其實無非系一次游泳，個件事又使我哋真系難忘者矣！</p> <p class="ql-block">互相細傾談，姐弟表情深</p><p class="ql-block">各位：你哋好！講到我倆個乖孫，瑩瑩同埋細佬嘅姐弟之情，確實系使我十分開心，十分高興嘅。咁主要嘅系作為自己系家姐嘅瑩瑩，佢平時都比較關心個細佬，特別系年紀較細嘅時候更系如此矣！</p> <p class="ql-block">姐姐好細心，為細佬梳癢</p><p class="ql-block">個家姐關心細佬，有照片事實為憑。你哋睇下先啦，當時佢倆姐弟都系年紀輕輕，個細佬話個好頭痕，于是個家姐就幫佢梳痕，你哋話啦，咁系唔系表明個家姐關心個嗰細佬？</p> <p class="ql-block">家鄉(xiāng)騎牛慣，京城怯揮鞭</p><p class="ql-block">個陣時，在北京說系學人騎上馬，點知心中卻膽怯，根本不敢揮鞭奮馬蹄矣。其實在自己年輕或年少時日，家鄉(xiāng)各生產隊都有幾頭水牛，當時在小山丘上放牧，多時有騎牛玩耍，或撿拾水牛屎回家曬干當柴燒。正所謂往日事情不足記，留意今日怯揮鞭矣！</p> <p class="ql-block">德發(fā)馮萬祥，小滿陳繼棉</p><p class="ql-block">上世紀一九八七年，我有個學生在北京公安大學上學，當時我哋部分老師到北京學習，在那位學生的幫助下，我們有幸可以進中南海參觀。我們游覽了瀛臺半島，還在清水橋頭攝影，我們留影的位置背后是毛主席的故居豐澤園。</p> <p class="ql-block">生物小百科，五年一等獎</p><p class="ql-block">當時，石灣區(qū)在各學校設立一個叫生物小百科嘅獎項，全區(qū)各校每個班級都可以申請。佢嘅具體要求系不管手功制作，定系勞動種植等項目，只要符合條件便可獲獎。條件主要系有過程記尋，有具體嘅照片，有個兩條，項目失敗亦可申請獲獎。我哋個陣在村尾一個班級執(zhí)教連續(xù)五年申請五年獲獎！</p> <p class="ql-block">盆栽西紅柿，栽種操場邊</p><p class="ql-block">當時我哋班級搞的項目，主要有刺繡，各種種植，種植有盆栽番茄，小米，高粱等等。種植嘅種子，讓在北方讀書或工作嘅往日的學生郵寄回來，每樣種子無非幾十粒就可以咯。當時我哋種植個啲植物，有啲好多人都未見。特別系棉花嘅植株，有啲學校專門組織學生嚟參觀。個陣時我哋啲學生幾高興??！</p> <p class="ql-block">南方新面孔，小米共高梁</p><p class="ql-block">在種植項目時，專門安排學生進行記錄，我自己負責攝影。因此我哋啲項目連續(xù)五年獲一等獎，班級連續(xù)獲優(yōu)秀少先隊中隊，先進班級，我也多次獲優(yōu)秀班主任。我連續(xù)執(zhí)教嘅幾個班學生都很高興，后屘因故不搞了也不要提了。咁樣這也算系一次活動嘅始終也罷？</p> <p class="ql-block">天門山棧道，老師健步行</p><p class="ql-block">個年署假，大江小學嘅老師在吳潔心老師嘅帶領下，大家游覽咗天門山再去鳳凰城，個次旅游我?guī)畠和駛€外孫一齊前去。尼張照片系于天門山嘅棧道上攝嘅，可以睇到大家都十分開心十分高興！</p> <p class="ql-block">鳳凰城菜點，塘虱共田螺</p><p class="ql-block">記得個次游覽天門山之后，嚟到咗風凰城。鳳凰城景點豐富，各位老師于是各'美景各自賞。我哋幾個人在飯店開飯，菜點主要有塘虱田螺等有當?shù)靥厣珕它c。不過正所謂人離鄉(xiāng)賤，物離鄉(xiāng)貴。在個度五角錢可買一堆獼猴桃，而當時在佛山五元錢三個！唉！咁樣又上咗一節(jié)購物課矣！</p> <p class="ql-block">各位都知道，鳳凰城城里城外嘅景點良多。各位老師都分別尋找自己感興趣嘅去觀賞。而今次隨我去旅游嘅外孫佢揾到嘅竟然系沱河邊個度，個度大把嘅吊腳樓。各位可以從照片上睇到，個啲吊腳樓確實頗有特色。唔錯啩？</p> <p class="ql-block">各位你哋睇下，個度唔惠東啦，而具體系邊度咁就唔清楚咯。只系睇到：樹上枝頭荔枝紅，紛爭躲藏入葉叢。荔枝入口甜爽滑，食罷又食幾從容。咁高興嘅啩`？夠開心呢？</p> <p class="ql-block">西樵山健步，半途稍歇息</p><p class="ql-block">個日，我哋老志嫩嫩男男女女眾親友游西樵山，大家都知道嘅西樵山上遍布景點，大家行下睇下，西樵山高坡矮丘，大家上上落落一陣便有啲勞累，幾位女親友就在途中稍歇息。個度位置唔錯，上有大樹遮陰，下有石板方便坐，望前睇后景色又都唔錯?？傊韨€度坐坐都幾開心！</p> <p class="ql-block">鼎湖山湖水，山泉水傾流</p><p class="ql-block">鼎湖山離我哋佛山稍遠一啲，個陣時署假，村尾學校組織老師游鼎湖山。鼎湖山個度有個飛潭瀑布湖，水流從半山石隙中長驅直下，氣勢強勁，周圍石頭綠樹成蔭，真?zhèn)€環(huán)境很好。幾位老師在個度攝影留念，亦系唔錯嘅選擇啊！</p> <p class="ql-block">鼎湖山泉水，溪谷半潺流</p><p class="ql-block">個陣時，我哋全家老幼游鼎湖，鼎湖山泉在山腳婉然流過，個陣時系夏天比較炎熱，清涼嘅泉水吸引咗唔小游人?，摤撃概阋苍谌厺菜?。咁又系幾開心幾過癮嘅一幕??！</p> <p class="ql-block">鼎湖山綠樹，半山遮陰涼</p><p class="ql-block">鼎湖山風景優(yōu)雅，綠樹成蔭草綠花紅，山勢峻峰系個觀景嘅好地。個次游鼎湖山，因為仲系天熱，瑩瑩母女便在半山腰樹陰處稍息吹吹風！</p> <p class="ql-block">云南石林景，村尾李春凡</p><p class="ql-block">個陣時，村尾小學嘅老師署假到云南旅游，大家都在云南石林嘅里里外外攝影留念。照片系我同埋李春凡老師拍嘅，個度雖系石林外景，到也綠樹成蔭，草綠花紅，真系別具一格！你話系'唔系呢？</p> <p class="ql-block">農科院留影，都曾大江人</p><p class="ql-block">記得個陣時候，龐潤沃先生請海口小學啲老師，去佢嘅聯(lián)潤果林園參觀，午餐也在聯(lián)潤園開飯，之后去參觀農科院，在農科院門口，幾位老師合照留念，個幾位老師當年都曾經在大江小學任教，今日相逢，追憶往昔日舊事，咁就高興合照矣！</p> <p class="ql-block">西樵四方竹，觀景又一方</p><p class="ql-block">各位：南粵名山數(shù)二樵，西樵山系二樵之一同羅浮山齊名。西樵山美景眾多，個啲游人確實迷而‘忘返。乜嘢蘑菇石同埋無葉井，乜嘢冇篤石螺以及四方竹等等都名噪一時。你哋可以睇：照片上嘅竹林就系四方竹矣，佢四角分明，故稱四方竹真系名實相符者矣！</p> <p class="ql-block">堂姐回故里，眾親聚歡欣</p><p class="ql-block">個日，堂家姐龐曉帶咗兩個兒子，從英德黃花鎮(zhèn)返回家鄉(xiāng)，我哋家各親戚朋友都來'迎接相聚。并且到飯店進行午餐。</p> <p class="ql-block">堂姐返故里，合照各姐弟</p><p class="ql-block">龐曉堂姐在飯店午餐后，各堂兄弟姐妹坐在一條板凳上合照。佢哋當中有啲已經嚟幾十年初次相逢見面矣。大家都十分感慨，當然也十分高興。</p>